God jol og godt nyttår!
Nå gjeng me for alvor inn i jola, og mange skal nå ta seg nokre velfortente dagar fri.
Andre får derimot mykje å gjere i dagane som kjem, som for eksempel for vår del i forbindelse med hytterenovasjon.
I jola blir det ofte mykje avfall i form av emballasje, gåvepapir og liknande. Når dette skal hivast i tillegg til det ordinære hushaldsavfallet kan det fort bli fullt i avfallsbehaldaren før neste tøming. Hopar det seg opp i jola vil me minne om at slikt avfall kan leverast gratis på våre bemanna avfallsmottak. Me har lagt ut eit eige innlegg med informasjon om opningstidene i jola.
Tusen takk til både tilsette, leverandørar, abonnentar og kundar for det gode samarbeidet i året som har gått. Me ynskjer dykk alle ei god jol og eit riktig godt nyttår!